aiaraldea.eus

Tubos Reunidosek adierazi du 8,6 milioi euroko galerak izan dituela 2018an

Erabiltzailearen aurpegia Aitor Aspuru Saez   Ekonomia  Amurrio

2018ko lehen 3 hilabeteko emaitzak plazaratu ditu enpresak eta 8,6 milioi euro galdu dituela jakinarazi du, hainbat gertaera dela medio. Iaz, 107.000 euroko mozkinak lortu zituen taldeak epe berean.

Tubos Reunidosek adierazi du 8,6 milioi euroko galerak izan dituela 2018an
Tubos Reunidosek lantegi garrantzitsua du Amurrion. | Ikusi handiago | Argazki originala

Tubos Reunidos enpresak azaldu du bere egoera zalantzazkoa dela, azken 3 hilabeteetan 8,6 milioi euroko galerak izan ostean. Zuzendaritzak aldagai ugariri egotzi dizkio egungo emaitzak.

Berez, aurtengo negozio kopurua antzekoa izan da 2017koarekin alderatuta; 81 milioi eurokoa, iaz baino %1,2 gehiago, hain zuzen. Hala ere, etekin gordinek behera jo dute. 2017an 11 milioi eurokoak izan ziren eta aurten, ordea, 3,6 milioikoak.

Txatarra eta dolarraren eragina mozkinetan
Zuzendaritzak argitu du etekin gordinak 14,5 milioi eurokoak izango liratekeela txatarraren prezioagatik eta dolarraren balio-galeragatik izango ez balitz. Hodiak ekoizteko baliatzen den txatarrak %18an igo du prezioa. Horrez gain, dolarrak %13ko balio galera izan du.

Donald Trumpen zergak
Gainera, enpresako arduradunek nabarmendu dute martxoaren 23an indarrean sartu zela Donald Trump Estatu Batuetako presidenteak inportazioetarako sortutako zerga; %25ekoa, alegia.

Bestalde, sozietate zergaren aldaketaren ondorioz, 800.000 euro gehiago ordaindu dituzte. Halaber, Productos Tubulares faktorian martxoaren 8tik apirilaren 20ra bitartean egindako greba ere aipatu du zuzendaritzak. Izan ere, neurriak negoziatzen ari dira oraindik, ekoizpena eraginkorragoa izatea helburu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa