Maratoia eta ibilaldia uztartuko ditu Amurrio BTT erronkak

Izar Mendiguren Cosgaya 2018ko mai. 30a, 08:13
Deskargatu Info Ahotsak :

Ilunabarra erronkako partaideetako batzuk. / Kuskumendi

Ekainaren 16an izango da Kuskumendi taldeak antolatzen duen kirol proba. Maratoia Euskadiko txapelketarako puntuagarria izango da. Ibilaldia osatzen dutenek, aldiz, oroigarria jasoko dute. 

Ekainaren 16an izango da Amurrio BTT erronka. Aurten, gainera, ibilbide bikoitza izango du. Batetik, mendi bizikleta maratoia eta, bestetik, ibilaldia. Horrez gain, Euskadiko txapelketako zirkuituan sartzea lortu dute, aurrenekoz. Sare sozialetan zabaldu dute ekimena iragartzeko spota:  

Ibilbidearen ezaugarriak
Zirkuituari dagokionez, 65 kilometroko distantzia osatu beharko dute partaideek, 2.500 metro baino gehiagoko desnibelarekin. Aurreratu dutenez, 100 txirrindularitik gora espero dituzte. Ibilaldia, aldiz, 35 kilometrokoa izango da, 1.600 metroko desnibelarekin. "Inguruko pistak eta mendi bideak uztartuko dira", adierazi dute.

9:30ean hasiko da txapelketa, Bañueta kiroldegitik. Izen-ematea zabalik dago. Dena den, egunean bertan ere egongo da horretarako aukera, 8:00etatik 9:15 arte. Inskripzioak 25 euro balio ditu. 

Sarietara 1.200 euro baino gehiago bideratu dituzte, "baina ibilaldia ez da lehia bidezkoa izango, nahiz eta denboren markak jaso eta sailkapena zabaldu". Sari gisa Kuskumendi taldeko txalekoa jasoko dute denek.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!