Alaitz Aramendi, Julen Ibarrola, Iñaki Krutxaga eta Alfredo Remirez euskal preso politikoen eta Koldo Zurimendi deportatuaren egoera salatzeko antolatu dute Aiaraldeko Elkartasun Eguna Amurrion.
Egitaraua 11:00etan abiatuko dute; salaketa ekimenak gauzatuko dituzte herriko zenbait lekutan eta "Zorroztarri" erakusketa jarriko dute ikusgai; San Anton plazan euria egingo balu, eta paseoan eguraldi egokia egonez gero. Artelanak Zigor Merodio Larraona, Alaitz Areitio Azpiriz eta Yon Troitiño Ciria presoek sortu dituzte.
Mobilizazioa
13:30ean manifestazioa aterako da Herriko plazatik eta gero ekitaldia prestatuko dute. 15:00etan herri bazkariaren txanda helduko da, San Anton plazan. Aldez aurretik eskuratu behar da tiketa Txokogorri elkartean Amurrion, Mugalde elkartean Urduñan eta Bazter tabernan Laudion. Gaur amaituko da erosteko epea; 12€ balioko du soldatadunentzat eta 7€ langabetuentzat. Bazkalostean Julen Zulaika eta Izar Mendiguren bertsolariek kantatuko dute.
"Pitada"
Protesta ekimenari ekingo diote berriro 19:00etan Herriko plazan espetxe politika salatzeko. 19:30ean, berriz, kontzertuak hasiko dira San Anton plazan: Osterabe, Eztanda eta Peru Selekta. Amaitzeko, DJak arituko dira Txokogorrin 00:00etatik aurrera.
Hitzaldia
Bestalde, Laudion gaur -maiatzak 31- eskainiko dute hitzaldia sakabanaketari eta pertsona adinduei buruz. 19:30ean izango da erabilera anitzeko udal aretoan.
