aiaraldea.eus

Gaur amaitzen da Amurrio Trail Lasterketan izena emateko epea

Erabiltzailearen aurpegia Txabi Alvarado Bañares   Kirola  Amurrio

Igandean -ekainak 17- egingo da kirol proba. Kirolprobak.com webgunean eman daiteke izena. Hiru ibilbide egongo dira, 31 kilometrokoa, 22 kilometrokoa eta 12 kilometrokoa.

Gaur amaitzen da Amurrio Trail Lasterketan izena emateko epea
9:15ean abiatuko dira korrikalariak. / Amurrio Trail Taldea | Ikusi handiago | Argazki originala

Datorren igandean -ekainak 17- egingo da Amurrio Trail Lasterketaren VII. edizioa. Kirol probaren antolatzaileak lan handia egiten ari dira lasterketa iragartzeko, sare sozialak baliatuta.

31 kilometrokoak 1.700 metroko desnibel positiboa izango du eta proba puntugarria izango da Arabako Mendi Lasterketen Koparako zein Euskal Mendizale Federazioaren rankingerako.

 

22 kilometrokoak 1.050 desnibel positiboa izango du eta Aldama, Peña Ñegra edota Kuxkumenditik igaroko da, besteak beste.

 

Hirugarren ibilbideak 12 kilometroko luzera izango du eta Kuxkumendi eta Abiagatik igaroko da. Korrikalariek 550 metroko desnibel positiboari egin beharko diote aurre.

 

Izena emateko azken eguna, gaur
Gaur -ekainak 12- izango da lasterketan izena emateko azken eguna. Interesdunek Kirolprobak.com webgunera jo beharko dute. Bertan topatu daiteke lasterketaren gaineko informazio guztia.

Hemen eman daiteke izena ibilbide luzean, hemen ertainean eta hemen, aldiz, laburrean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa