Tristtan Mourguy eta Hobera, Deus ez, Oslo Ovnies eta Meridian taldeak igaro dira gaurko Amurriocken finalera
Txabi Alvarado Bañares
2018ko eka. 15a, 06:00
Gaur ebatziko dira musika lehiaketaren irabazleak. Amurrioko Juan Urrutia plazan arituko dira lau taldeak, 19:00etatik aurrera.
Deus ez, Oslo Ovnies, Tristtan Mourguy eta Hobera eta Meridian taldeak igaro dira Amurriock lehiaketaren finalera. Gaur -ekainak 15- ebatziko da Burubio Kultur Elkarteak antolatutako norgehiagokaren lehen edizioa.
19:00etan izango da zita, Amurrioko Juan Urrutia plazan. Lau taldeek joko dute, eta ondoren emango dira sariak. Bi kategoria daude: Metal/Rock estiloko taldeena eta Pop/beste estiloetako taldeena. Kategoria bakoitzean lehen postuan geratzen den taldeak 700 euro jasoko ditu, eta 200 euro, aldiz, bigarren geratzen direnek. Horrez gain, sari berezi bat egongo da, eskualdeko musikari bat -behintzat- duten taldeen artean ebatziko dena: Burubio Kultur Elkartean hiru abestiren zuzeneko grabaketa.
Lehiaketa “oso aberasgarria” izan dela nabarmendu du Egoitz Palaciosek. Burubio kultur elkarteko kideak azaldu du “talde ugari” ezagutzeko parada izan dutela, eta partaide guztiak oso gustora aritu direla norgehiagokan. “Euskal Herriko zein kanpoko taldeak etorri dira”, nabarmendu du.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
