Amurriock musika lehiaketa

Estilo aniztasuna nagusi, Amurriock musika lehiaketako finalean

Izar Mendiguren Cosgaya 2018ko eka. 16a, 13:48
Deskargatu Info Ahotsak :

Rock-metal kategorian "Deus ez" eta "Oslos Ovnies" taldeek irabazi zuten; eta pop eta bestelako estiloetan  "Meridian" eta "Tristan Mourguy eta Horeba" taldeek. Aiaraldeko talde onena, berriz, Gwa Ya izan zen. 

19:00etan ekin zioten Juan Urrutia plazan "Amurriock" lehiaketako finalari. Aurrenekoz antolatu dute musika txapelketa, eta 70 talde baino gehiagok eman dute izena. Maiatzetik ekainera arte jokatu dituzte finalerdiak; ostiraletan, Burubion. Atzo, berriz, final nagusia izan zen. Epaileek zuzeneko emanaldia baloratu zuten erabakia hartzeko. Talderik onena Deus ez izan zela iritzi zuten rock-metal estiloan, eta pop zein bestelakoetan Meridian. Bigarren saria, aldiz, Oslos Ovnies eta Tristan Mourguy eta Horeba taldeek eskuratu zuten.

 Eskualdeko talderik onena, Gwa Ya

Aiaraldeko talderik onenak ere jaso zuen saria: Gwa Yak, oraingoan. Hala, Burubion live session baten grabaketa egingo dute, Aiaraldea Ekintzen Faktoria eta hedabidearekin elkarlanean.

Finalerdietatik sailkatutako taldeek hartu zuten parte azken galbahean. Bakoitzak 25 minutuko kontzertua eskaini zuen. Musika estiloetan aniztasuna izan zen nagusi, baita lurraldetasunean ere. Izan ere, Ipar Euskal Herriko taldeak oholtzaratu ziren, besteak beste.

Kultura Amurrio
Erlazionatuak
[ZUZENEKO KONTAKETA] Deus ez, Meridian eta Gwa Ya taldeak garaile Amurriock lehiaketaren lehen edizioan

Izar Mendiguren Cosgaya 2018 eka 15 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide