Apirilean amaitu zen Hazilan programaren bigarren edizioa. Amurrio Bideanek jarri du abian egitasmo hori, “kalitatezko enplegu bila ari diren gazte kualifikatuak” prestatzeko. 14 gaztek hartu dute parte programan, eta horietako zazpik lortu dute lana. Beste bik negozio propioak jarri dituzte abian, eta gainontzeko bostak “enplegu bilaketa aktiboan” aritu dira.
Bi fasetan banatzen da programa. Lehena prestakuntzazkoa da. Bigarrena, aldiz, enpresa batean praktikak egitean edo negozio bat sortzeko bideragarritasun plana egitean datza.
Hirugarren edizioa, urrian
Urriaren 2an abiatuko dute programaren hirugarren edizioa. Udalak jakinarazi du edizio horretan “ahalegin berezia” egingo dela gazteek euren praktikak gertuko enpresetan egin ditzaten, “ezagutza eskualdean gera dadin”.
945891721 telefono zenbakira deituta edo empresa@amurriobidean.org posta elektronikora mezu bat bidalita lortu daiteke egitasmoari buruzko informazio gehiago.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
