Uztailaren lehen hamabostaldian gauzatuko dute Elexazarreko aztarnategi arkeologikoko indusketekin jarraitzeko 8. kanpaina.
Bertan parte hartzeko boluntarioen bila ari dira. Interesdunek mezu bat bidali behar dute elexazar@gmail.com helbide elektronikora. Bi baldintza baino ez dira bete beharko: adinez nagusia izatea eta “ikasteko eta inguruko historia galdua berreskuratzeko ilusioa” erakustea.
Hala azaldu du Juanjo Hidalgok. Bera arduratu da urtez urte indusketak antolatzeaz. 2009. urtean ekin zioten aztarnategia lurpetik ateratzeari.
Lau eraikinen arrastoak topatu dituzte guztira, inguruan azpiegitura gehiago existitzen zirela uste duten arren.
Eraikinetako batean zentratuko dira aurten; geletako bat lurpetik erabat ateratzea izango du helburu, gunearen benetako tamaina kalkulatu eta izan zituen funtzioak jakiteko.
Badute hipotesi bat: eraikin hori ukuilu gisa baliatzen zela. Gauzak hala, lurraren laginak hartu eta laborategira eramango dituzte, teoria hori frogatzeko asmoz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
