Bihar ospatuko dute 3x3 futbito txapelketa Amurrioko parkean. 17:00etan da zita eta izena emateko aukera ordu erdi lehenagotik egongo da zabalik bertan.
Azken urteetan bezala, gaueko zinema eskaintza ere martxan jarri dute Gazte Asanbladako kideek. Iragan uztailaren 11an, Motxiladun umeak ETB-1eko Ur Handitan saioaren dokumentala eskaini zuten San Anton Plazan.
Hurrengo proiekzioa uztailaren 25ean izango da -asteazkena-. RAF: Faccion del ejercito rojo en Alemania filma eskainiko dute, 22:30ean Amurrioko San Anton Plazan.
Ekintza hauekin “Amurrioko gazteria lokaletatik ateratzea” dute helburu Gazte Asanbaldako kideek. “Ohiko gaueko eskaintzatik aldenduz, gazteok batzeko beste era bateko espazioak behar ditugu eta bestelako harremanak eraikitzeko espazio hauek dira hain zuzen ere sustatu nahi ditugunak”, azaldu dute.
Gazte Eguna Amurrioko Jaietan
Azken urteetan bezala, Gazte Eguna antolatuko dute Amurrioko Jaietan, abuztuaren 13an. Buru-belarri dabiltza Amurrioko gazteak azken asteetan egun hori antolatzen. Egun osoko egitaraua osatzen dabiltza. Asanbladako kideen hitzetan: “Gazte bazkaria, kale kontzertuak herrian zehar eta beste hamaika ekintza antolatuko ditugu. Parrandarako tartea ere egongo da gauean”.