Abel Fernandezek, "Spiderabel" goitizenez ezagututako amurrioarrak, Alpetara bidaiatuko du ostegun honetan “Tour du Mont Blanc” zeharkaldian bi pertsona itsuren mendi-gidari izateko.
8 egunez luzatuko da abentura. Bertan 150 kilometrotako ibilbidea osatuko dute Frantziako Chamonix herritik abiatuta, Mont Blanc mendigunea erabat inguratuz. Bidean zehar Frantzia, Suitza eta Italiako bailarak igaroko dituzte. “Orain arte inoiz egindako erronkarik handiena izango da Alpetakoa. Plazera izango da bi lagun itsu abentura honetan laguntzea” azaldu du Spiderabelek.
Elkartasuna mendi gailurretara
Aniztasun funtzionala duten lagunak mendi ibilaldietan laguntzen dituzten gidari talde batek osatutako ekimen gasteiztarra da Montes Solidarios. Spiderabel talde horren laguntzaile aktiboa da, hainbat maratoi eta mendi lasterketetan gidatu ditu aniztasun funtzionala duten kirolariak helmugarako bidean.
Eguberri sasoian, Babiora igoera arrakastatsua antolatzeaz ere ardutazen da Spiderabel, Montes Solidarios eta Amurrio trail taldearekin batera.