Eguraldia oso egonkorra izan ez den arren, Amurriok jai arrakastatsuak bizi izan ditu. Giro bikaineko sei egun, jende askorekin, egunez batez ere, dantzaldietako eta kontzertuetako musika bikainari esker gauek ere gustu guztiak asebete dituzten arren.
Jende, gustu eta adin guztietarako diseinatutako doako eta kalitatezko jarduera ugarien nondik norakoaren “oso balorazio positiboa” egin du Udalak. Horrela, jende gehien bildu zuten ekitaldiak txupinazoa, Urrutia plaza jendez bete zituzten kontzertuak eta, jakina, karrozen ohiko desfilea izan ziren, koadrilek prestatutakoa ikusteko ehunka pertsona biltzen dituen jaietako ekitaldi klasikoa, hain zuzen ere.
Jaien arrakasta, neurri handian, Amurrioko herritarren eta elkarteen lankidetzan oinarritzen da. Hori dela eta, “eskerrak eman nahi dizkiet, guztiok, sei egunez, ehun jarduera baino gehiagoz gozatu ahal izateko jaietako jarduera bakoitzaren antolakuntzaren ostean egon diren pertsona guztiei, jaietako giroa alaitzera lagundu zuten sei koadrilei eta udalerrian ditugun elkarte ugariei, batez ere”, adierazi du Josune Irabien Amurrioko alkateak.
Horrez gain, Udalak balioan jarri nahi du antolatutako jarduera guztiek izan duten partaidetza handia, gazteei zuzendutakoek, batez ere. Gainera, jaietan ez dela jazoera azpimarragarririk egon ere azpimarratu behar da. Hori dela eta, Amurrioko biztanle guztiak zoriondu behar dira “errespetu eta tolerantzia eredu direlako eta jaiegunetan bizi izan den giro bikainean lagundu dutelako”.