Minbiziaren aurkako ibilaldia egingo dute Amurrion irailaren 23an, aurreneko aldiz

Txabi Alvarado Bañares 2018ko ira. 14a, 10:54
Deskargatu Info Ahotsak :

Atzo aurkeztu zituzten Mugikortasun Astea eta martxa. / Aiaraldea.eus

Mugikortasun Jasangarriaren Astearen barruan egingo dute ekimena, beste hainbat jarduerarekin batera.

Europako Mugikortasun Jasangarriaren Astearekin bat egin du Amurrioko Udalak. Irailaren 17tik 23ra hainbat ekintza egingo dituzte herrian hori dela eta. Hilaren 22a autorik gabeko eguna izango da, eta Pilotalekua, Larrinaga eta Iturralde kaleak moztuta egongo dituzte, 10:00etatik 15:00etara.

Horrez gain, Nerbioiko parke linealean seinaleak jarriko dituzte, “neurri iraunkor gisa”. Bizikletak aparkatzeko tokiak ere jarriko dituzte, Pilotalekua kalean eta Reforren.

Josune Irabienek aste horretan egingo diren ekimenen garrantzia azpimarratu du:

Hauek dira Mugikortasun Jasangarriaren astean egingo diren ekintzak:

  • Irailaren 17tik 30era José Miguel Llanoren  HIRIKO TXIRRINDULARIAK CICLISTAS URBANXS argazki erakusketa Amurrioko kiroldegian.
  • Irailaren 18an, 20an eta 22an 10:00etatik 13:00etara, bisita gidatuak bizikletaren museora Reforean. (Ez da beharrezkoa aurretik izena ematea).
  • Kirol taldeen eta lehen hezkuntzako 6. mailako ikasleen artean, kirol jardueretara eta ikastetxeetara bizikletaz eta oinez joatea sustatzea. Partaideen artean identifikaziorako txalekoak banatuko dira.
  • Bide segurtasunari buruzko hitzaldiak ikastetxeetan, lehen hezkuntzako 6. mailako ikasleentzat.
  • Irailaren 19an, goizeko 10:00etan, Juan Urrutia plazan, pasealdi osasungarria nagusientzat. (Ez da beharrezkoa aurretik izena ematea).
  • Irailaren 20an, 18:30ean, Kultura Etxeko aretoan, Amurrioko mugikortasunari eta trafikoari buruzko solasaldia, Amurrioko Udaltzain Buruaren eskutik.
  • Irailaren 23an, Aurreraka elkarteak antolatutako ibilbide solidarioa, goizeko 11:00etan Juan Urrutia plazan. 7 kilometroko ibilbidea, Juan Urrutia plazara itzultzeko, bertan pintxo-pote solidarioa eta zunba klasea egiteko. 7 euro balio izango duten inskripzioak Amurrioko Kultur Etxean egin daitezke, bertara joanda, edo amaurreraka@gmail.com helbidera mezu bat bidaliz.

Minbiziaren aurkako ekimena
Minbiziaren aurkako ibilaldia egingo den lehen aldia izango da aurtengoa. Aurreraka elkarteko kideek antolatu dute, tokiko erakundearen laguntzarekin. Egitasmoaren nondik norakoak azaldu dituzte antolatzaileek:

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide