Pasa den astean Saratxoko Administrazio Batzarrak Ertzaintzari deitu zion enpresa bat hasi zelako berriro hondakinak botatzen herriko zabortegian.
Erakundeetan galdetu eta gero, saratxoarrei adierazi zieten enpresak baimen guztiak dituela Eusko Jaurlaritzaren aldetik jarduera horretarako.
Hala ere, Administrazio Batzarrak salatu du herritik igaro diren zenbait kamioi ez zutela zama estalirik eta, ondorioz, hautsa utzi dutela bidean. Euren iritziz, segurtasun neurriak ez dira betetzen ari.
Zentzu horretan, Saratxoko herritarren ordezkariek azpimarratu dute inork ez diela jakinarazi ezer lan horiei buruz eta ez dakitela zein hondakin mota garraiatzen ari diren. Horregatik, uste dute ura edo lurra kutsatzeko arriskua dagoela.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
