Aldatu beharreko gauza asko

Jendez betetako metrotik jaitsi bezain laister ondoko eskaileren amaieran ikusi genuen argi izpia. Gure helmuga zen, Atenas. Baina hori ez zen espero genuen errealitatea. Krisiak zigortutako hiriburu batekin egin genuen topo; drogaz, pobreziaz eta zikinkeriaz betetako hiriburua. Hala ere, zaila egiten zaigu ulertzea nola bihurtu den hain ekomomia txarra duen hiriburu bat Europa osoko errefuxiatu askoren helmuga.

Anabasa horren guztiaren erdian, “Victoria Social Center” dago. Bertan egin genuen gure boluntariotza  eta esan dezakegu errefuxiatuen euskarri garrantzitsu bat dela.

Bertan beste boluntario batzuekin egin genuen lan, ingeleseko klaseak ematen, hainbat motako eskulanak egiten, umeak zaintzen edota janaria banatzen.

Zalantzarik gabe, janaria banatzea izan zen gogorrena eta harrigarriena. Orduak ematen zituzten  eguzki azpian itxaroten, janariz betetako poltsa soil  baten esperoan. Haien aurpegietan ikusten zen desesperazioak inpotentzia sorrarasten zigun. Haien azalean jarrita eta bertan bizitako guztiaz oroituz, errefuxiatuei ematen zaien tratua ez zaigu batere justua iruditzen. Horregatik, gure kasuan, bidaia hau, injustizia honen aurrean hartu beharreko jarrera berriaren hasiera izango dela uste dugu.
Oraindik lan asko eta aldatu beharreko gauza asko ditugu aurrean. Beti prest!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide