Etxebizitza-politika izan zuten hizpide iragan ostegunean Amurrioko Udal Osoko Bilkuran. Orain Amurriok aurkeztutako mozio bat eztabaidatu zen lehenbizi, Ondasun Higiezinen Gaineko Zergaren ingurukoa. “Uste dugu etxebizitza parkea presionatu behar dela etxebizitzak alokairu merkatura atera daitezen”, azaldu zuen Kepa Gonzalez zinegotziak, ordainketa zatikatzearen aukera jartzearen garrantziarekin batera. Hori dela eta, zerga horren gaineko dokumentazioa eta planteamendu zirriborroa gainontzeko taldeei heleraztea eskatu zuen Orain Amurrion.
EH Bildu, PP eta Guk Bai taldeak proposamenaren alde lerrokatu ziren. EAJ, aldiz, abstenitu egin zen bozketan.
PPren mozioa
Alderdi Popularrak aurkeztutako mozioa eztabaidatu zen jarraian. 2013. urtean onartu zen Etxebizitzaren Legea izan zuen hizpide Montse Canivekk. Eusko Jarularitzaren planen betetze maila zalantzan jarri zuen zinegotziak. “Eusko Jaurlaritzak ez ditu bere etxeko lanak egin, eta orain etxebizitzak dituen jendeari ordainarazi nahi zaio”. San Jose auzoan dauden etxebizitzak ere aipatu zituen. “Eusko Jaurlaritzaren esku daude eta hutsik daramate aspaldidanik”.
Orain Amurriok ekarpen bat egin zion mozioari. “Uste dugu gai nahiko konplexua dela eta badaudela eragiteko beste modu gehiago”, azaldu zuen Kepa Gonzalezek, “udalek neurriak hartu ditzakete etxebizitza parkea handitzeko, lurra espekulaziorako erabiltzea ekiditeko eta abar”.
PSE-EEko zinegotziak, bere aldetik, Amurrion dauden etxebizitza publikoen gaineko datuak plazaratu zituen: “70 etxe daude udalerriko parke publikoan. Horietatik 59 okupatuta daude eta hiru esleipen prozesuan daude. Gainontzeko zortziak San Jose auzoan daudenak dira: hiru udalari esleitu zitzaizkion eta beste bostak berriketa prozesu batean murgilduak daude”.
Informazio horrek eztabaida eragin zuten taldeen artean. Datu horiek zehatzak ez zirela iradoki zuen Canivek. “Dena dela, bost urte denbora nahikotxo da etxebizitzak erreformatzeko”.
PSE-EE eta EAJ izan ziren bozketan abstenitu ziren bakarra, gainontzeko taldeek alde bozkatu baitzuten. “Jada martxan dauden kontuak dira”, argudiatu zuten jeltzaleek, “San Joseko etxebizitzak hamarkadak daramatzate hutsik, eta orain hasiko dira berritze lanak”.
San Joseko etxebizitza hutsak hizpide Udalbatzan
Etxebizitza publikoaren gaineko politikari buruzko mozioa aurkeztu zuen PPk osteguneko Udal Osoko Bilkuran. Alderdi guztiek bozkatu zuten alde, EAJ eta PSE-EE salbu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide