Hemendik eta urtarrilera arte egongo diren emanaldien berri eman du musika elkarteak.
Indartsu hasi dute ikasturtea Burubio Kultur Elkarteko kideek. Akerbeltz taldea igo zen irailean elkartearen pabilioiko oholtzara, Artzain Egunaren testuinguruan. Urriaren 20an izango da hurrengo zita, Patxuco Nice eta Lenao taldeekin.
27an Postpose eta Fabels taldeek joko dute, eta Ataxia F., Prophetic Scourge eta Fractalityk, aldiz, azaroaren 23an.
Azaroaren 30ean, aldiz, metal doinuak izango dira nagusi, Childrain, Meltdown, Izatefaltsua, Broken Horizon eta Minerva taldeekin.
Abenduaren 14an aurreikusi dute urteko azken kontzertua eskaintzea, Eraso!, Fetitxe eta Free The Wheel taldeekin.
Urtarrilaren 19an itzuliko dira, The Soulbreaker Company, Tara eta La Reverso taldeen emanaldiarekin.
Burubioke.com webgunean topatu daiteke kontzertuei buruzko informazio guztia.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
