aiaraldea.eus

Bueltan daude Domekerö arratsalde-pasak, euskara sustatzea helburu

Erabiltzailearen aurpegia Txabi Alvarado Bañares   Euskara  Amurrio  Amurrio: Tertanga

Datorren igandean -urriak 21- egingo dute hasiera jaia, eta abendura arte luzatuko da egitasmoa. Saioak doakoak eta irekiak izango dira.

Bueltan daude Domekerö arratsalde-pasak, euskara sustatzea helburu
Igandero egingo dituzte aisialdi-ekintzak. / Bizkaiko Urtxintxa Eskola | Ikusi handiago | Argazki originala

Domekerö egitasmoaren edizio berria abiatuko dute datorren igandean -urriak 21- Tertangako Etxean. Igandero egingo dituzte arratsalde-pasak, toki berean, 16:30etatik 18:30etara. Aste bakoitzean ekintza bat egiteko asmoa dute, “euskararen erabilera indartzea helburu”.

Azaroaren 4an munduko errezetak izango dituzte hizpide, familian egiteko sukaldaritza tailerrekin. Azaroaren 11n zinema emanaldia eskainiko dute. 18an, aldiz, murala osatuko dute, euskaraz bizi nahi dutela aldarrikatzeko.

“11 egun euskaraz!” izena jarri diote abenduaren 2an egingo duten ekimenari, Euskaraldiari lotua egongo baita. Abenduaren 9an jolas kooperatiboak eta askaria eskainiko dituzte eta kontzertu didaktikoa, aldiz, 16an.

Abenduaren 23koa izango da azken igandea: Iluntze mitologikoarekin emango diote amaiera egitasmoari.

Irekiak eta doakoak
Bizkaiko Urtxintxa Eskolak antolatzen du ekimena, Arabako Foru Aldundiaren laguntzarekin. Saio erabat irekiak eta doakoak izango dira guztiak, eta informazio gehiago eskatzeko e-maila jarri dute interesdunen eskura: komunikazioa@urtxintxaeskola.eus.

Azken urteetan hezkuntza alorreko erreferentziazko gunea bihurtu da Tertangako Etxea. Bertako jolasgunea auzolanean eraiki zuten duela bi urte haurrek eta nagusiek elkarlanean:

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa