Bi enplegu-programa jarriko ditu abian Amurrioko Udalak, Lanbidek eta Europako Gizarte Funtsak diruz lagunduta. Lau gazte kontratatuko ditu jardunaldi osoz, 8 hilabeterako.
Lau gazte horietako hiru peoi espezialistak izango dira eta “Amurrioko udalerriko naturako pasealekuen kontserbazio, mantentze eta handitze lanak” egiteaz arduratuko dira, tokiko erakundeak azaldu duenez. Laugarren gazteak artxibategi laguntzaile funtzioa beteko du eta “digitalizazio bitartez dokumentazioa eskuragarriago jartzea” izango du helburu.
Baldintzak
Enplegu deialdian parte hartu nahi duten pertsonek ondorengo baldintzak bete beharko dituzte: Amurrion erroldatuta egotea, 16-30 urte izatea, langabezian eta Lanbiden inskribatua egotea, enplegu eskatzaile gisa altan egotea eta Gazte Berme Sisteman izena emanda egotea, besteak beste. Azaroan hasiko dira kontratazioak. Udalean lortu daiteke deialdiaren gaineko informazio gehiago.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
