Bost urtez jarraian Amurrioko Judo Superkopa antolatzen aritu ostean, aurtengo edizioan berrikuntzak egitea erabaki du Amurrioko Judo Klubak. Horrela, azaroaren 10ean Amurrio Hiria Nazioarteko Judo Txapelketa egingo da Bañueta kiroldegian.
Haur-kategoriako txapelketa izango da azaroaren 10ekoa eta norgehiagokak 10:00etan hasiko dira. Izena emateko epea zabalik da dagoeneko eta amurriojudocopa@gmail.com helbidera idatziz egin beharko da.
Elkartasun ekimena
Txapelketa solidarioa izango da Amurrio Hiria, lehiaketan ateratako diruaren zati bat Senegalgo herri bateko judo taldea laguntzera bideratuko baita.
Antolakuntzak “Groep Baobab” gobernuz kanpoko erakundearen laguntza jasoko du horretarako. Halaber, judogi (judoa praktikatzeko elementuak) zaharrak Senegalgo taldeari emateko eskaera ere luzatuko diete txapelketako parte hartzaileei.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
