aiaraldea.eus

Reforren belar artifizialeko azpiegituran milioi bat euro baino gehiago erabili izana salatu du Orain Amurriok

Erabiltzailearen aurpegia Erredakzioa   Politika  Amurrio

Oposizioko talde politikoko kideek adierazi dute kirol azpiegiturak hobetzearen alde daudela, baina zelai horretara bideratu den dirua gauza garrantzitsuagoetan erabiltzeko aukera zegoela.

Reforren belar artifizialeko azpiegituran milioi bat euro baino gehiago erabili izana salatu du Orain Amurriok
1.071.925 euro euro bideratuko ditu udalak Reforren belar artifizialeko zelai berria jartzera. / Aiaraldea.eus | Ikusi handiago | Argazki originala

Orain Amurriok prentsa-oharra plazaratu du salatzeko udalak 1.071.925 euro baliatuko dituela Reforren belar artifizialeko zelai berria jartzeko. Talde politikoak azaldu duenez, Arabako Foru Aldundiak 647.000 euro jarriko ditu eta 424.925 euro, aldiz, tokiko erakundeak.

Oposizioko talde politikoko kideek nabarmendu dute ados daudela herriko kirol azpiegiturak hobetzearekin, baina gehiegizkoa iruditzen zaie zelai berria jartzeko milioi bat euro baino gehiago erabiltzea, herrian bestelako premiak daudela iritzita.

Orain Amurrioren aburuz, garrantzi handiagoa izango luke Gizarte Zerbitzuak indartzea, Berdintasun Saileko teknikariaren lanaldia handitzea, Ondare Higiezinen gaineko Zergan hobariak ematea diru-sarrera murritzak dituzten familiei edota pobrezia energetikoaren aurka borrokatzea, besteak beste.
 
Era berean, Foru Aldundiaren dirua beste proiektuetara bideratu beharko litzatekeela uste dute Orain Amurrioko kideek, “bertan ere EAJk gobernatzen duela” kontuan izanda. “Diru publikoa beharrizan sozialetarako eta herritarrek benetan aldarrikatzen dituzten eraikin publikoetara bideratzeko aukera galdu dugu".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa