Urtez urte arrakasta irabazten joan den ekimenaren hirugarren edizioa antolatuko dute abenduaren 24an Amurrio Trail Taldeak eta “Montes Solidarios” ekimenak. Aurten ere aniztasun funtzionala duten lagunak Babio mendiko gailurrera igotzen lagunduko dituzte, ehunka mendizaleren babesarekin.
Aulki egokituak eta pertsona itsuak gidatzeko barrak baliatuko dituzte horretarako, besteak beste. “Ametsak betetzen laguntzea” da ekimenaren helburu nagusia. Amurrioko Juan de Urrutia plazatik abiatuko da elkartasun martxa abenduaren 24an, goizeko 9:00etan.
“Iazko arrakasta errepikatzea” da antolatzaileen helburua, “urtea modu polit batean agurtzeko modua bilakatu da martxa”. Izan ere laurehundik gora lagunek hartu zuten parte iazko martxan, aniztasun funtzionala zuten hiru lagunekin batera Babio mendira igoz. Antolatzaileek adierazitakoaren arabera, “aurten ere Olentzerok bere ekarpena egingo dio martxari”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
