“No decimos nada” ikus-entzunezko proiektua grabatu du Luis Vilek, hainbat herritarrekin elkarlanean

Txabi Alvarado Bañares 2018ko azaroaren 12a
Deskargatu Info Ahotsak :

Amurrio Antzokian egin dituzte grabaketak.

Vladimir Maiakovski poeta komunistaren olerki bat musikatu du Vilek bideoa osatzeko, Maria Riverorekin batera.

Asteburu honetan grabatu du Luis Vilek No decimos nada ikus-entzunezko proiektua, Amurrio Antzokian. Vladimir Maiakovski poeta errusiar komunistaren Eta ez genuen ezer esan olerkia musikatu du artista amurrioarrak, Maria Rivero abeslariarekin batera. Biak agertzen dira bideoan kanta abesten, hainbat herritarrekin batera.



Maiakovski oinarri
“Maiakovskiren poema hori mundu guztiko eskoletan memorizatu beharko litzateke, etorkizuneko belaunaldiek ez diezaieten berriz men egin asmo totalitarioak dituzten fartsa politikoei”, adierazi du Vilek. Zinemagile eta musikari amurrioarrak eskerrak eman dizkie grabaketan parte hartu duten pertsona guztiei.

Gorka Chamorro ugaoarra aritu da kameralari gisa, eta Alfredo Remirezek ere hartu du parte egitasmoan. “Eskerrak eman nahi dizkiot, espetxeak ez dizkiolako sinesten duen horretan borrokatzen jarraitzeko gogoak kendu”, aipatu du Vilek sare sozialetan zabaldutako mezu baten bidez.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide