Azken 34 urteetan egin bezala, Amurrioko Mugendo Eskolak emakumeentzako defentsa pertsonal ikastaroa antolatuko du Emakumeenganako Indarkeriaren Kontrako Egunaren testuinguruan. Bihar eskainiko dute tailerra, Amurrioko Mugendo gimnasioan 20:00etatik 21:00etara.
Izen emateak 10 euro balioko du eta gizarte-bazterketa jasaten duten emakumeak laguntzen dituen Askabide erakundera bideratuko dute dirua. Horrez gain, ikastaroko parte hartzaile guztiei gerriko more bana oparituko diete oroigarri gisa.
Ikastaroan hainbat alor jorratuko dituzte: norberaren autoestimua indartzea, ahozko erasoen edota eraso fisikoen kontrako defentsak ikastea, beldurraren kontrako neurriak hartzea eta erasotzaileen indarra hauen kontra erabiltzeko teknikak barneratzea, besteak beste.
Jesus Maria Platon, Mugendo Eskolako zuzendaria, oso pozik azaldu da ikastaroaren harrerarekin: “Euskal Herriko hainbat eskoletan egingo ditugu saioak astean zehar eta jende asko parte hartzen ari da, askotan bi saio egin behar izan ditugu”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
