Hodei, ataxia telangiektasia gaixotasuna sufritzen duen gaztea, laguntzeko ekimena egongo da bihar

Erredakzioa 2018ko azaroaren 23a
Deskargatu Info Ahotsak :

Bihar jaia egongo da, baina tapoi bilketak datozen egunetan ere jarraituko du. / Imagenjaen

Bi elkartasun ekimen antolatu dituzte Amurrion Hodei laguntzeko. Alde batetik, jaia egingo dute bihar. Bestetik, tapoiak jasoko dituzte.

Amurrion lanean ari dira Hodei babesteko. Izan ere, umeak ataxia telangiektasia gaitza du. Gaixotasun arraroa da hori eta sistema inmunea endekatzen du.

Haurra zein bere familia laguntzeko bi egitasmo abiatu dituzte Amurrion. Alde batetik, bihar 18:00etatik aurrera "Gau Magikoa" ospatuko dute San Jose auzoko Zabaleko Ikastetxean. Sarrerak 3 euro balioko du helduentzat eta euro bat 10 urtetik beherakoentzat. Zaldi batekin ikuskizuna egongo da eta baita tirolina, puzgarriak, poniak edota zuzeneko musika ere. Boluntario ugarik parte hartuko dute.

Hori ez ezik, tapoi bilketa ere hasi da eta Amurrioko Udalak ekarpena egin du 4 bilketa puntu gehiagorekin: La Casona, Kultura Etxea, Bañueta Kiroldegia eta Nagusien Etxea.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide