Ibai Ruizek Euskal Herriko K-1 Txapelketa amateurra irabazi zuen larunbatean

Aitor Aspuru Saez 2018ko azaroaren 28a
Deskargatu Info Ahotsak :

Ibai Ruiz txapeldunaren gerrikoarekin. / C. D. G.

Zallan izan zen finala eta Aitor Mendiola zornotzarra menderatu zuen Ibai Ruizek.

Larunbatean jokatu ziren Zallan Euskal Herriko Federazioaren K-1 Txapelketa amateurrak. Egun osoko jarduera izan zen; goizean kanporaketak egon ziren eta eskualdeko zenbait borrokalarik hartu zuten parte, Jagoba Pazosek eta Dani Tojok, adibidez. Gauean, ordea, finalen txanda heldu zen.

67 kilo azpiko finalean Ibai Ruiz amurrioarra eta Aitor Mendiola lehiatu ziren. Arau profesionalekin egin zuten. Hau da, 2 minutuko 5 asalto gauzatu zituzten. Aurretik adostutako borroka izan zen eta Ruiz izan zen irabazle. Chock Dee taldeko sortzaileak oso pozik bukatu zuen: "borroka ona egin nuen".

Gainera, aipatzekoa da 2017an Mendiolak eta Ruizek neurtu zituztela euren gaitasunak Zornotzan eta amurrioarra oso haserre agertu zela epaileek garaipena etxeko kideari eman ziotenean.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide