"Musua" ikuskizuna taularatuko dute Pirritx, Porrotx eta Marimototsek Amurrion
Txabi Alvarado Bañares
2018ko abe. 7a, 07:00
2 urtetik gorako haurrek sarrera ordaindu beharko dute. Adin horretara iristen ez diren haurrak doan sartu ahalko dira, baina sarrera hartu beharko dute, zenbat jende sartzen den kontrolatzeko.
Pirritx, Porrotx eta Marimotots pailazoak Amurrioko Bañueta kiroldegian egongo dira datorren asteko ostiralean, abenduak 14, euren lan berria aurkezten: Musua.
Sarrerek 3 euro balio dute. Zabaleko ikastetxeko ikasleek eskolan bertan eskuratu ahalko dituzte sarrerak. Abenduaren 10 eta 11n, berriz, 2 urtetik Lehen Hezkuntzako 2. mailara bitarteko haurrek 2 sarrera izango dituzte erreserbatuta, bat beraientzako eta bestea laguntzaile batentzako. Egun horietan 299 sarrera egongo dira salgai Kultura Etxean. Soberan dauden sarrerak asteazkenetik aurrera -abenduak 12- jarriko dira salgai, toki berean.
Arratsaldeko seietan hasiko da emanaldia eta 70 minutuko iraupena izango du.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
