Udazkenean aurkeztu zuten Aiara Women in Bike taldea, emakumeen txirrindularitza sustatzeko, taldean ateratzeko. Urtea agurtzeko ibilaldiaren berri eman dute oraintsu: abenduaren 22an -larunbat honetan- izango da txangoa.
Amurrion jarri dute hitzordua, 9:30ean Juan Urrutia plazan. "Ez dadila inor izututa etorri, erritmoa ondo definituta egongo da, ez da lehiaketa izango, ondo pasatzeko tartea baizik", erantsi dute.
50 kilometroko ibilbidea proposatu dute, 600 metroko desnibelarekin. "Beraz, beharrezkoa da pixka bat prestatuta joatea, baina seguru gaude denon artean lortuko dugula".
Hain zuzen, Amurriotik Soduperako bidea egingo dute, Gordexola eta Okondo igarota. "Txirrindulariek askotan zeharkatzen dituzten bideak dira, animatu primeran pasatzera!".
Eguerdian luntxa izango dute partaideek, "bazkideak ez direnek 3€ ordaindu beharko dituzte". Informazio gehiago eskuratzeko sare sozialetako kontuak kontsulta litezke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
