aiaraldea.eus

Gaur amaitzen da AmurriokoEKIN parte hartzerako aurrekontuetarako proposamenak bozkatzeko epea

Erabiltzailearen aurpegia Txabi Alvarado Bañares   Politika  Amurrio

Kultura Etxean, Udaletxean eta Bañueta kiroldegian edo Internet bidez bozkatu dezake Amurrion erroldatutako 16 urtetik gorako bizilagun orok.

Gaur amaitzen da AmurriokoEKIN parte hartzerako aurrekontuetarako proposamenak bozkatzeko epea
Hautestontziak Udaletxean, Kultur Etxean eta balueta kiroldegian daude. / Amurrioko Udala | Ikusi handiago | Argazki originala

Gaur -urtarrilak 4- da AmurriokoEKIN parte hartzerako aurrekontuen proposamenak bozkatzeko azken eguna. 30 proiektu daude guztira, horietako 15en aurrekontua 5.000 euro baino txikiagoa da eta beste 15ek, aldiz, 5.000 euro baino gehiago balio dute.

Herritarrek hiru proiektu hautatu beharko dituzte multzo bakoitzeko. Bozka gehien jasotzen dituzten proiektuak dira egingo direnak, guztira 430.000 euro baliatuko direlarik.

315 proposamen jaso dira guztira
Herritarrek egindako 315 proposamen bildu ziren lehen fasean, baina bigarrenera 218 pasa ziren soilik, errepikatzen ziren hainbat proposamen bateratu zituztelako.

5.000 euro baino gutxiago balio 15 ideiak zuzenean igaro dira bozketa fasera. Gainontzekoak, aldiz, “lehentasunak markatzeko saio irekira” eraman ziren. Bertan hautatu ziren orain bozkatu daitezkeen beste 15 proiektuak. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa