Lezama eta Delikako “garbitxikiak” itxi dituzte, "erabilera okerra eman zitzaielako"

Erabilera desgokia ematen zitzaielako itxi dituzte bi guneak. / Naturayala

Siloratzeko plastikoak eta nekazaritzan erabiltzen diren beste material batzuk jasotzeko sortu ziren gune horiek.

Lezama eta Delikan zeuden “garbitxikiak” itxi ditu Arabako Foru Aldundiak, erabilera desegokia ematen zitzaiela argudiatuta. Hala jakinarazi zuen Josune Irabien Amurrioko alkateak, Orain Amurrio talde politikoak gaiaren inguruan galdetu zuenean. “Foru Aldundiak itxi ditu. Horregatik, gure proposamena izango da udalak bere gain hartzea zerbitzua”, adierazi zuen Orain Amurrio taldeko Kepa Gonzalezek.

Aldundiak puntu berde mugikorra indartuko du eta siloratzeko plastikoak atez ate jasoko dira. Isuri berezientzako kamioia Larrinbetik pasako da ostegunetan eta Saratxotik ostiraletan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide