alka egon da Adi! elkartearen eta Amurrioko Udalaren artean. Ustelkeriaren aurkako eragileak Hala Bedi irratian azaldu du De Miguel auziari buruzko liburu bat aurkezteko baimena eskatu zuela Amurrioko Kultur Etxean. “Bertako teknikariak esan zigun alkatearen kontsultatu behar zuela, bere oniritzia behar zuelako hitzaldia aurrera ateratzeko”, azaldu zuen elkarteko kidea den Unai Mendizabalek irrati libreko Araba Hizpide saioan, “nahiko harrigarria iruditu zitzaigun Kultur Etxean egiten den ekitaldi orok alkatearen onespena behar izatea, eta harrigarria egin zitzaigun baita ere gero jaso genuen ezezkoa”.
Udalaren azalpena
Josune Irabienek, aldiz, gertatutakoa “gaizki-ulertzea” izan dela iradoki du. “Kultur Etxea eta herriko beste espazio publikoak askotan erabili izan dira talde politikoen ekitaldiak egiteko”, azaldu du alkateak, eta nabarmendu du ez dagoela inolako arazorik liburuaren aurkezpena bertan egiteko, “eskatutako gelak libre baldin badaude”.
Adi! Elkarteko kideek, euren aldetik, jakinarazi dute aurkezpena herriko beste gune batean egingo dutela, Kultur Etxean egin ezin badute. Era berean, adierazi dute alkateak egin duena "zentsuran atzera egitea" izan dela:
Gaizki ulertu bat alkate anderea? Gaizki ulertu bat? Benetan?
— Adi! #ustelkeriaSTOP (@adielkartea) 2019(e)ko urtarrilaren 10(a)
Onartu ezazu zentsuran atzera egin duzula eta kitto.#ustelkeriaSTOP@Ahoztar1972@halabedi @ArabaHizpide @argia @berria @InakiLarra @larbelaitz @ArabakoALEA @estitxuugartehttps://t.co/Lm30ujIh1F @aiaraldea
De Miguel auziari buruzko liburua
La trama del 4%. Las comisiones del caso De Miguel da albiste honetako protagonista den liburuaren izenburua. Ahoztar Zelaieta kazetariak idatzi du eta, tituluak dioen moduan, De Miguel auzia du hizpide. Zelaietak atzo adierazi zuen twitterren ez dela bere lan baten aurkezpena zentsuratzen dioten lehenengo aldia:
Mila esker.
— Ahoztar Zelaieta (@Ahoztar1972) 2019(e)ko urtarrilaren 9(a)
Amurrioko liburutegiari liburua oparituko diot.
Gasteizko liburutegiari beste bat oparitu nion zentsuratu zigutenean.
Donostiako alkateari ere oparitu nion, Txantxarrekako gaztetxean aurkezpena egin aurretik eta atean giltzarrapoa aurkitu genuen.
Musuak.