35. urteurrenerako motorrak berotzen hasi da Aiara Dantza Taldea

Otsailaren 23an dantzaldia eskainiko dute Amurrio Antzokian. Maiatzaren 18an, aldiz, Euskal Jaia egingo dute, dantza taldeko kide ohien parte hartzearekin.

Urte berezia izango da 2019a Aiara Dantza Taldearentzat, 35 urte beteko baititu. Hainbat ekintza prestatzen dabiltza dantza taldeko kideak urteurrena ospatzeko. “Alde batetik, otsailaren 23an dantzaldi berritzaile bat eskainiko dugu Amurrio Antzokian”, azaldu dute, “bi pase egongo dira”.

Euskal Jaia maiatzaren 18an
Horrez gain, Euskal jaia egingo dute maiatzaren 18an. “Dantzaldi erraldoi bat eskaini nahi diogu herriari, eta bertan dantzari ohi ugari egotea nahi dugu”. Taldeko kide ohien parte hartzea bilatzen ari dira horretarako. Interesdunek mezu bat bidali beharko dute 35urte@gmail.com posta elektronikora. Aurreratu dutenez, hainbat gaitasun-mailetako dantzak egingo dituzte emanaldian, dantzari guztiek izan dezaten parte hartzeko aukera. “Ez dezala inork beldurrik eduki”.

Taldearen hainbat argazki zahar helarazi dituzte. "Irudietan agertzen diren pertsonak bildu nahiko genituzke urteurrenean, eta baita agertzen ez direnak ere", nabarmendu dute.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide