LABek irabazi ditu hauteskunde sindikalak Amurrio Ferrocarril enpresan

Erredakzioa 2019ko urtarrilaren 24a
Deskargatu Info Ahotsak :

Atzo izan ziren hauteskunde sindikalak enpresan.

Sindikatu abertzaleak bost ordezkari izango ditu, ELAk hiruk eta ESKk bat.

LABek lortu du ordezkari gehien Amurrio Ferrocarril enpresan atzo egindako hauteskunde sindikaletan. Sindikatu abertzaleak 74 boto eskuratu ditu eta, ondorioz, bost ordezkari izango ditu enpresa batzordean. ELAk hiru ordezkari lortu ditu, 44 botorekin. ESKk, aldiz, ordezkari bat izango du batzordean, 10 boto lortu baititu.

Modu horretan, apur bat aldatu da sindikatuen ordezkaritza. 2015ean LABek lau ordezkari lortu zituen (43 boto), ELAk 3 (45 boto) eta UGTk bi (21 boto). LABek positiboki baloratu ditu izandako emaitzak: "Jendeak azken lau urteetan eginiko lana baloratu du, eta hori nabaritu egin da emaitzetan". 

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide