Vall d'Uixóko Ultra proban hirugarren geratu da Iñaki Gonzalez

Izar Mendiguren Cosgaya 2019ko otsailaren 11
Deskargatu Info Ahotsak :

Iñaki Gonzalez Arias Amurrioko lasterkaria podiumean.

Castellonen izan zen lehiaketa asteburuan. Amurrio Trail taldeko kideak podiumera igotzea lortu zuen.

Iñaki Gonzalez Arias Amurrioko lasterkariak hirugarren bukatu zuen Vall d'Uixó-ko Ultra proba. Castellongo probintzian (Espainia) jokatu zen norgehiagoka, TES Sierra de Espadán.

Orotara, 60 kilometroko ibilbidea gainditu behar izan zuten partaideek, 3.800 metro baino gehiagoko desnibelarekin. "Irteera eta helmuga Sant Josepeko kobazulo barruan izan da", aipatu du Amurrio Trail taldeak sare sozialetan.

Gonzalezek 7 ordu eta 12 minututan osatu zuen zirkuitua, eta denbora marka horri esker hirugarren helmugaratu zen. Ezequiel Cuesta Prieto izan zen garailea, 6 ordu eta 47 minutuko emaitzarekin.

"Lasterketa oso gogorra izan zen lurrazalagatik, baina oso polita ere bai", adierazi du korrikalariak. Amurrio Trail taldeak Gonzalezen lana goraipatu du, kirolaria zoriontzearekin batera. 

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide