Eskualdeko 6 borrokalari igoko dira bihar Bañuetako ringera

Aitor Aspuru Saez 2019ko otsailaren 15a
Deskargatu Info Ahotsak :

Bañueta Kiroldegiak hainbat borroka hartu ditu azken urteotan. / Jose Montes

Aiara Fighter Generation borrokaldiaren bigarren edizioa izango da bihar, Chock Dee taldeak antolatuta. Eskualdeko 6 borrokalarik hartuko dute parte hitzorduan.

Ibai Ruiz, Aitor Ibarluzea, Ruben Dominguez, Jeray Tovar, Dani Tojo eta Jagoba Pazos kirolariak lehiatuko dira bihar Bañueta Kiroldegian 18:30etik aurrera. Lehenengo lauak Chock Dee taldekoak dira eta azken biak Hajimeko klubekoak.

Aiara Fighters Generation borrokaldiaren bigarren edizioan izango da. Gainera, Ibai Ruizek kategoria profesionalean neurtuko ditu bere indarrak Jaime Urdanpileta eibartarrarekin.

Gainerako borrokak amateurrak izango dira: Aitor Ibarluzeak debuta egingo du bere herrian Iñaki Orradren kontra, Jerai Tovar Aketza Moruelo menderatzen saiatuko da, Ruben Dominguezek Gorka Peña izango du aurrez aurre, Dani Tojoren aurkaria Pier Mateo izango da eta, azkenik, Jagoba Pazosek Dani Asaboreirekin borrokatuko du.

Sarrerek 13 euro balioko dute aurrez erosiz gero -Chock Dee eta Kazen gimnasioetan, besteak beste- eta bihar 16 euro.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide