Udalerriko enpleguaren eta prestakuntzaren egoera aztertzeko azterlana egiten ari da udala

Erabiltzailearen aurpegia
Amurrioko udal ordezkariak, merkataritza eta enplegua sustatzeko ekimen batean.

Azterlanak bi alderdiren azterketa jasoko du, udalerriko lan merkatua eta eskualdeko prestakuntza eskaintza. Azterlanaren emaitza, prestakuntzarekin eta enpleguarekin erlazionatutako udalerriko eragileen artean adostutako epe laburreko eta luzeko neurriak jasoko dituen ekintza plana izango da. 

Amurrioko Udala, Amurrio Bidean erakundearen bitartez, udalerriko lan merkatuaren eta prestakuntzaren azterketan sakontzen duen azterlana ari da egiten. Azterlanaren helburua, herriko lan merkatuaren egoera ezagutzea da, biztanleen prestakuntza eta koalifikazioa hobetzera zuzendutako ekintzak sustatzeko, langile horiek lan merkatuan sartzea errazteko eta, ondorioz, herriko enpresen lehiakortasuna hobetzeko.

Ikerketak bi alderdi aztertuko ditu. Alde batetik, udalerriko lan merkatua, eta horretarako, langabezian dauden pertsonen erradiografia egingo da, soslaiak diseinatzeko asmoz. Lan merkatuaren ezaugarriak ere aztertuko dira (sektore bakoitzeko kontratatzaileak, kontratuen iraupena eta mota…), udalerriaren etorkizunera begira estrategikotzat hartzen diren jarduerak, lanpostu iraunkorrak eta kalitatezkoak sortuko dituen enpresa egitura sendoa lortzeko.

Eskualdeko prestakuntzaren mapa izango da aztertu beharreko beste alderdi handietako bat. Tokiko enpresei balioa emango dien eta horien lehiakortasuna eta garapena indartuko duen prestakuntza zein den aztertuko da, eta baita udalerriko langabetuen soslaia kontuan izanda lan munduan sartzeko aukera gehien ematen dituen prestakuntza ere.

Herriko enpresen prestakuntza beharren azterlana eta ikerketa egingo den testuingurua aztertu eta gero, udalerriko eta eskualdeko enpleguan eta prestakuntzan inplikatuta dauden eragileen artean adostutako ekintza plana egingo da, langabetuen prestakuntza enpresen egungo eta etorkizuneko beharretara egokitzeko epe laburreko eta luzeko ekintzak definitzeko.

Maiatzean amaituko den azterlana, tokiko garapenerako Amurrio Bidean sozietateko teknikariek egingo dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide