aiaraldea.eus

Garazi Dorronsoro izango da EH Bilduko zerrendaburu arabarra Senatuan

Erabiltzailearen aurpegia Erredakzioa   Politika  Amurrio

EH Bildu koalizioak jakinarazi du gaur Garazi Dorronsoro amurrioarra izango dela bere hautagai nagusia Senatuan eserlekua eskuratzeko. Maddi Isasi lezamarra, ordea, bigarrena izango da Kongresurako.

Garazi Dorronsoro izango da EH Bilduko zerrendaburu arabarra Senatuan
Garazi Dorronsoro amurrioarra. / EH Bildu | Ikusi handiago | Argazki originala

Arabako EH Bilduk zabaldu ditu Kongresu eta Senatuko hauteskundeetarako zerrendak. Aiaraldearrek protagonismo nabarmena izango dute bietan.

Izan ere, Garazi Dorronsoro amurrioarra hautatu dute Senatuko zerrendaburu izateko. 1990. urtean jaioa, Dorronsorok zinegotzi lanak betetzen ditu egun Amurrioko udalean. Lanbidez irakaslea da, eta ikasketaz euskal filologian lizentziatua. Azken 3 hauteskundeetan koalizio abertzaleak ez du senataririk eskuratu Araban. Izan ere, PPk eta Podemosek eskuratu zituzten gehienak.

Kongresurako zerrendan, aldiz, Maddi Isasi lezamarrak hartu du bigarren lekua. Eskualdeko mugimendu feministako kidea da, besteak beste.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa