Udalak, aurtengo Amurrioko jaiak iragarriko dituen kartelaren lehiaketa jarri du martxan. Gainera, haur lehiaketa bat ere egongo da, eta irabazlea izango da jai egitarauaren kontrazaleko ilustrazioa egingo duena.
Lehiaketako partaideek bi lan aurkeztu ahal izango dituzte gehienez ere, jatorrizkoak eta argitaratu gabeak. Kartelek Amurrioko armarria eta testu hau jaso beharko dute: “Amurrioko jaiak 2019. Abuztuaren 12tik 17ra”. Nahi izanez gero, “Andra Mari eta Done Errokeren ohorez. En honor de Ntra. Sra. y San Roque” euskarazko eta gaztelaniazko testua ere sartu ahal izango da.
Haur lehiaketari dagokionez, partaide bakoitzak jatorrizko eta argitaratu gabeko lan bakarra aurkeztu ahal izango du. Kontrazalak Amurrioko armarria eta testu hau jaso beharko ditu: “Amurrioko jaiak 2019. Andra Mari eta Done Errokeren ohorez. En honor de Ntra. Sra. y San Roque”, euskaraz eta gaztelaniaz.
Lanak jasotzeko epea apirilaren 1etik 17ra luzatuko da Amurrioko Kultur Etxean. Kartel irabazlearen eta kontrazalaren aukeraketaz, hiru diseinu eta arte adituk osatutako epaimahaia arduratuko da.
Sarien banaketa maiatzaren 10ean egingo da Bañueta kiroldegiko atarian. Kartelaren proposamen irabazleak 800 euroko saria jasoko du. Kontrazalaren irabazleak 60 € jasoko ditu eskolako materialean eta eskolako materialean 30 € jasoko dituzten bi accesit ere egongo dira. Guztiak ere, Amurrio antzokirako zinebono batekin osatuko dira.
Amurrioko jaietako kartel lehiaketa, abian
Halaber, jaietako programaren kontrazala aukeratzeko haur lehiaketa antolatu da. Lanak jasotzeko epea apirilaren 1etik 17ra luzatuko da Amurrioko Kultur Etxean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide