Guk saria jaso du Aiara dantza taldeak

Izar Mendiguren Cosgaya 2019ko mar. 24a, 09:43
Deskargatu Info Ahotsak :

Amurrio Antzokia jendez lepo zegoela aitortu dute 35 urtean dantzariek herriaren alde egindako lana.

Atzo banatu zuten Guk Saria. Udalak abiatutako ekimenak herriko norbanako, elkarte edo erakundeen lana aitortzea du xede. Aurtengo omenaldiak Aiara Dantza taldea izan du protagonista. 200dik gora lagunek osatzen dute taldea, eta ehun dantzarik hartu zuten parte ekitaldian, besteak beste. 

Amurrioko musika eskolak ireki zuen gala:

Iaz Mateo Balbuenarentzat izan zen makila eta oroigarria, baina zahartzaroa medio ezin izan zen ekitaldira bertaratu lekukoa ematera. Josune Irabien alkateak gogoan izan zuen hitzartean, hala ere. Aiara Dantza taldeari gazteria eta kultura alorrean egindako lana aitortu zien alkateak ekitaldian, adin askotako partaideak baititu elkarteak. 

Saria eman aurretik bideoa proiektatu zuten oholtzan, taldearen nondik norakoak ezagutzera emateko. Hala, dantzarien jarduna zabaltzeko inplikatutako pertsona guztiak izan zituzten gogoan: irakasleak, josteaz arduratu ziren gurasoak eta abar. Iraia Aspuru elkarteko lehendakariak hitz egin zuen eragilearen izenean. Amaieran, dantza erakustaldiarekin eman zioten amaiera ekitaldi jendetsuari.

Kultura Amurrio
Erlazionatuak
Guk Saria jaso berritan Aiara Dantza taldearen hitzartzea
Guk Saria jaso berritan Aiara Dantza taldearen hitzartzea

Erredakzioa 2019 mar 23 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!