Amurrioko Udalak zergen ordainketa erraztuko du, zatitutako ordainketa sistemaren bitartez

Erabiltzailearen aurpegia
Tasaren edo zergaren ordainketa 9 kuotaraino zatitu ahal izango da. / Aiaraldea.eus

Tasaren edo zergaren ordainketa 9 kuotaraino zatitu ahal izango da. Datorren urtean aplikatuko den neurriaren helburua, biztanleei zergen ordainketa erraztea da.

Amurrioko Udalak, aldizkako mugaeguna duten ordainagirien ordainketa arautzen duen kudeaketa, diru-bilketa eta ikuskapen ordenantza fiskala onetsi zuen atzo osoko saioan. Neurri horren bitartez, Amurrioko biztanleek, zergen ordainketa errazten duen ordainketa zatituen sistema aukeratu dezakete.

Borondatezkoa eta doakoa den ordainketa sistema hori, zerga betebeharren titular gisa agertzen diren eta berariaz eskatzen duten guztiek aukeratu ahal izango dute, kuota bakoitzaren zenbatekoa 10 eurotik gorakoa bada.

Ordainketa zatitu sistema horretan aurreikusten diren zergak hauek dira: ondasun higiezinen gaineko zerga, jarduera ekonomikoen zerga, trakzio mekanikodun ibilgailuen gaineko zerga, ibiak, hileta zerbitzuen prestazioaren ondoriozko tasa, hiriko hondakin solidoen kudeaketa zerbitzuaren ondoriozko tasa eta aldizka kobratzen diren beste okupazio tasa batzuk, belardien erabilera edo mahaien eta eserlekuen instalazioa, besteak beste.

Zatitutako ordainketa 9 kuotaraino hainbanatu ahal izango da, hau da, otsailetik azarora. Akordioak beste aukera batzuk ere aurreikusten ditu: 4 kuotatan hainbanatu ahal izatea, otsailean, maiatzean, irailean eta azaroan; 3 kuotatan, otsailean, ekainean eta azaroan; edo kuota bitan, maiatzean eta azaroan.

Eskariaren datan kobratzeko zorren bat duten pertsonei dagokienez, zorraren atzerapena onartuta ez badute ezin izango dute ordainketa sistema hori aukeratu.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide