3 zirkuitu izango ditu Amurrio Trail probak

Izar Mendiguren Cosgaya 2019ko apirilaren 2a
Deskargatu Info Ahotsak :

Jende ugarik hartu du parte orain arteko edizioetan. / Aiaraldea.eus

Uztailaren 21ean izango da Amurrio Trail txapelketa. Izen-ematea zabalik dago jada.

Amurrio Trail taldeak aurkeztu du dagoeneko aurtengo proba, 8. edizioa izango dena. Uztailaren 21ean jokatuko da Amurrion barrena, eta hiru ibilbide osatu dituzte: 12 kilometroko lasterketa, 20 kilometrokoa eta 30 kilometrokoa.

Izena emateko aukera zabalik dago jada, Rock the sport webgunean.  Gainera, ekainaren 30ean baino lehen apuntatzen direnek merkeago eskuratuko dute dortsala, 18 euroan, 22 euroren ordez. 

Ibilbideen mapak
Wikiloc programaren bidez zabaldu dituzte hiru probetako zirkuitu zehatzak. Laburrenak Babioko tontorra eta inguruko bideak lotuko ditu:

Bigarrenak -20 kilometrokoak-, berriz, Garondoraino eramango ditu korrikalariak, Burubioren magaletik itzultzeko herrira gero:

30 kilometrokoa izango da zirkuitu luzeena. Hain zuzen, Unginoraino iritsiko dira partaideak, eta Gorobeleko mendilerroaren zati bat atzean zapaldu ostean egingo dute itzulerako bidea:

 

Kirola Amurrio
Erlazionatuak
Iñaki Isasik eta Maite Zabaletak jantzi zuten Amurrio Trail Lasterketako txapela
Iñaki Isasik eta Maite Zabaletak jantzi zuten Amurrio Trail Lasterketako txapela

Aimar Gutierrez Bidarte 2018 eka 20 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide