aiaraldea.eus

Amurrioko PSE-EEk bederatzi emendakin aurkeztu ditu udal aurrekontuetan

Erabiltzailearen aurpegia Erredakzioa   Politika  Amurrio

Bederatzi emendakinak batuta 156.000 euro bideratu beharko lituzkete.

Amurrioko PSE-EEk bederatzi emendakin aurkeztu ditu udal aurrekontuetan
Nagusien Etxea berritzea proposatu dute, besteak beste. / Aiaraldea.eus | Ikusi handiago | Argazki originala

Amurrioko PSE-EEk bederatzi emendakin aurkeztu ditu udal aurrekontuetan, “bizilagunen bizi-kalitatea” hobetzeko asmoz. “Udal gobernu taldearen proposamenak hobetzea” da zuzenketen helburua, Nuria Gonzalez Cabrera zinegotziaren arabera.

Nagusien Etxea berritzea eta enpresa txiki eta ertainentzako, gazteen formaziorako eta enplegurako diru-laguntzak handitzea iradoki dute, besteak beste. “Haur txekea” ezartzea ere eskatu dute, “seme-alabak izan nahi dituzten pertsonei erraztasunak emateko”. Espazio publikoetan irisgarritasuna handitzeko obrak ere sartu dituzte emendakinetan.

Nabarmendu dutenez, bederatzi ekimenek 156.000 euroko aurrekontua osatuko lukete guztira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa