Agerraldia egin dute EH Bilduren hainbat hautagaik gaur goizean Amurrioko Juan Urrutia plazan. Garazi Dorronsorok hartu du hitza bertan. Senaturako zerrendaburuak nabarmendu du EH Bilduk “ahotsa altxatuko” duela Madrilen “gazteria espetxeratzen duen Estatuaren injustizien aurrean”.
Amurrio zein Altsasuko kasuak izan ditu hizpide Dorronsorok: “Ezinbestekoa da ahotsa altxatzea, baita Kongresuan eta Senatuan ere, gazteria espetxeratzen duen Estatuaren injustizien aurrean; Altsasun taberna batean liskar baten ondorioz, Amurrion Udaletxeko balkoira kartoizko panpin bat ateratzeagatik edo Amurrion bertan errotulatzaile batekin margo bat egiteagatik. Hori guztia etxean armategi izan eta bere bizilagunak tirokatzen dituen polizia ohi baten aurka inolako neurririk hartzen ez duen bitartean. Hori dela eta, ezinbestekoa ahotsa altxatzea eta EH Bilduk ez badu egiten, ez du inork egingo”.
Horrez gain, zerrendaburuak nabarmendu du laugarren diputatua EH Bilduren eta Espainiako eskuinaren artean jokoak dagoela. Horregatik guztiagatik, koalizio abertzalearen aldeko botoa eskatu du amurrioarrak, “euskal eta arabar jendartea defendatu eta babestuko duelako”.
“Altsasu edo Amurrion bezala gazteak espetxeratzen dituen” estatuaren “bidegabekerien” aurrean ahotsa altxatuko duela adierazi du EH Bilduk
Garazi Dorronsoro amurrioarrak egin ditu adierazpenak, Amurrion gaur goizean eginiko agerraldian.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide