aiaraldea.eus

Amurriok lau herri laguntzaile ditu, herritarren eta udalaren arteko lotura lanak egiteko

Erabiltzailearen aurpegia Amurrioko Udala   Politika  Amurrio

Behaketa lanak egingo dituzte, gertakariak eta eskariak jasoko dituzte eta hiriko altzarien inbentarioa egingo dute. Herri Laguntzaileak txaleko islatzaileekin identifikatuta joango dira, eta goizeko eta arratsaldeko txandatan egingo dute lan.

Amurriok lau herri laguntzaile ditu, herritarren eta udalaren arteko lotura lanak egiteko
Lau herri laguntzaileak udal ordezkariekin. / Amurrioko Udala | Ikusi handiago | Argazki originala

Amurriok herritarren eta Udalaren arteko lotura lanak egingo dituzten eta Ana Izquierdo herritarren partaidetza teknikari eta auzobegiralearekin koordinatuta lan egingo duten lau Herri laguntzaile ditu.

Amurrioko Udalaren eta Sartu-Araba Gizarteratze Elkartearen artean sinatutako hitzarmenean jasotako enplegu eta prestakuntza programaren bitartez jarri ahal izan da martxan Herri Laguntzaile programa.

Herri Laguntzaileek egiteko hauek izango dituzte: herritarren kexak eta iradokizunak jaso; hondakinen kontrolerako neurriei buruzko informazioa ematea herritarrei, merkatariei… eta sentsibilizatzea; bideko zirkulazio arduratsuari eta animaliak edukitzeari buruzko informazioa ematea eta sentsibilizatzea; eta, azkenik hiri altzarien, estolda zuloen, argiteriaren, edukiontzi guneen, harlauzen egoeraren, hormatan egindako margoketen, zuhaitz-txorkoen… behaketa, erregistroa eta berri ematea, eta baita hiri altzarien inbentarioa eguneratzea ere.

Aurretik, lau jardunaldiz, Udalaren aldetik, zerbitzua martxan jartzeari, bide segurtasunari eta laneko arriskuen prebentzioari buruzko prestakuntza jaso dute, herritarren beharrei erantzun ahal izateko.

Herri Laguntzaileek bi txandatan egingo dute lan, astelehenetik ostiralera, goizez 09:00etatik 13:00etara eta arratsaldez 15:30etik 19:30era. Jaiegun batzuetan ere zenbait lanetan lagunduko dute. Herritarrek erraz identifikatu ahal izango dituzte, ondo ikusten diren eta Herrilaguntzaile identifikazioa duten txaleko islatzaileak eramango baitituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa