aiaraldea.eus

Sute batek kalte material handiak eragin ditu Amurrioko etxebizitza batean

Erabiltzailearen aurpegia Erredakzioa   Jendartea  Amurrio

Egongela guztiz kiskali da, baina ez da zauriturik egon.

Sute batek kalte material handiak eragin ditu Amurrioko etxebizitza batean
Landaburu kaleko etxebizitza batean piztu da sua. / @BomberosAraba | Ikusi handiago | Argazki originala

Sutea gertatu da gaur goizean -8:30ak aldera- Amurrioko Landaburu kaleko etxebizitza batean. Aiaraldeko suhiltzaileek jakinarazi dutenez, suak kalte material handiak eragin ditu, egongela guztiz kiskali baita. Hala ere, ez da inor zauritu, ez baitzegoen inor barruan. Jabea iritsi denean kez beterik topatu du etxea eta larrialdi zerbitzuetara deitu du. Suhiltzaileak bertaratu dira eta sua itzaltzea lortu dute.   

Sua zaborrontzi batean
Hori ez da izan Aiaraldeko suhiltzaileek asteburuan izan duten lan bakarra. Gaur goizaldean zaborrontzi batek su hartu du Laudion, eta egoera bideratzera bertaratu behar izan dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa