Sute batek kalte material handiak eragin ditu Amurrioko etxebizitza batean

Erredakzioa 2019ko maiatzaren 5a
Deskargatu Info Ahotsak :

Landaburu kaleko etxebizitza batean piztu da sua. / @BomberosAraba

Egongela guztiz kiskali da, baina ez da zauriturik egon.

Sutea gertatu da gaur goizean -8:30ak aldera- Amurrioko Landaburu kaleko etxebizitza batean. Aiaraldeko suhiltzaileek jakinarazi dutenez, suak kalte material handiak eragin ditu, egongela guztiz kiskali baita. Hala ere, ez da inor zauritu, ez baitzegoen inor barruan. Jabea iritsi denean kez beterik topatu du etxea eta larrialdi zerbitzuetara deitu du. Suhiltzaileak bertaratu dira eta sua itzaltzea lortu dute.   

Sua zaborrontzi batean
Hori ez da izan Aiaraldeko suhiltzaileek asteburuan izan duten lan bakarra. Gaur goizaldean zaborrontzi batek su hartu du Laudion, eta egoera bideratzera bertaratu behar izan dira.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide