Zerumuga iluna dago Valvospain-Ituarteko langileentzat. Asteartean bildu ziren Enpresa Batzordeko kideak zuzendaritzarekin. Lantegia martxoaren 26tik hartzekodunen aurre-lehiaketan dagoela jakinarazi zieten bertan, eta Enplegua Erregulatzeko Espedientea egiteko asmoa ere jarri zieten mahai gainean.
“Hala ere, zuzendaritzak oraindik ez du espedientea ofizialki abiatu”, adierazi diote komiteko kideek Aiaraldea hedabideari. Datorren astelehenean izango dute hurrengo bilera. “Enpresako buruek bankuekin izan dituzten harremanen berri emango digute bertan”.
Soldata atzerapenak
Gaur eguerdian egin dute Amurrioko lantegian bizi duten egoera salatzeko hirugarren mobilizazioa. Soldata atzerapenekin jarraitzen dutela salatu dute, besteak beste. “Oraindik ez dugu apirileko soldata jaso”, nabarmendu dute. Horregatik, mobilizatzen jarraitzeko asmoa dutela jakinarazi dute beharginek.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
