aiaraldea.eus

“Euskaraz bizi nahi dut” eguna, ostiralean Amurrion

Erabiltzailearen aurpegia Txabi Alvarado Bañares   Kultura  Amurrio

Arratsaldeko lehen ordutik gauera arte luzatuko da euskararen aldeko jaia.

“Euskaraz bizi nahi dut” eguna, ostiralean Amurrion
Egurrezko jokoekin aritzeko aukera egongo da, besteak beste. / Aiaraldea.eus | Ikusi handiago | Argazki originala

Amurrioko Udalak "Euskaraz bizi nahi dut" jaia prestatu du maiatzaren 17rako. Ostiralean izango da hitzordua, 16:45tik aurrera. Ohi bezala, kirola eta kultura jarduerak uztartuko dituzte. Herriko eragileek ere parte hartuko dute ekintzetan, Aspaltzak, Aiaraldeko Bertso Eskolak eta Nerbioi-Errugbi taldeak kasu.

Euskararen aitzakiapean elkartuko dira herrigunean. 16:45etik 18:00etara, esaterako, Aspaltzakoen txokoa eta Felix Pikatzaren egur jolasena kokatuko dituzte parkean. 17:00etan, berriz, Errugbi erakustaldia egongo da zelaian, eta parkean, berriz, zunba. 17:30ean, ostera, Amurrioko bertso idatzien sari banaketa egingo dute Katekesi aretoan.

Jolaserako tartea, ordea, ez da hor bukatuko. Izan ere, 18:30etik 19:15era Altxorraren bila pista jokoa antolatu dute. Bukatutakoan txokolate jana eskainiko dute.

Euskal dantzak, trikitilariak eta bertsolariak uztartuko dituzte iluntzean. Batetik, Trikitixa eskolako lagunak arituko dira, bestetik Aiara dantza taldea, eta azkenik Iñaki Viñaspre eta Asier Rubio bertsolariak. Kanturako parada, baina, gauera arte luzatuko da, "Otxote Ugarte" eta Nafarroa Kantu Taldearekin.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa