aiaraldea.eus

Merkatu zaharrean gizarte eta kultura zentroa atontzeko eta Landa Inguruko Eguneko Arretako Zentro eraikitzeko diru-laguntza eskatu du udalak

Erabiltzailearen aurpegia Txabi Alvarado Bañares   Politika  Amurrio

Bi milioi euro baino gehiago baliatuko lituzkete bi lan horiek egiteko.

Merkatu zaharrean gizarte eta kultura zentroa atontzeko eta  Landa Inguruko Eguneko Arretako Zentro eraikitzeko diru-laguntza eskatu du udalak
Merkatu zaharra gizarte eta kultura zentro bihurtu nahi du udalak. / Amurrioko Udala | Ikusi handiago | Argazki originala

Bi proiektu aurkeztu ditu Amurrioko Udalak Arabako Foru Aldundiaren Obra eta Zerbitzu Foru Planaren 2020-2021 programara. Landa Inguruko Eguneko Arretako Zentro bat eraikitzean datza lehen egitasmoa. Mendiko kalean kokatu nahi dute eraikina eta, aurreikusi dutenez, gaur egun baino 15 plaza gehiago barnebilduko lituzke azpiegiturak.  1.067.620,30 aurrekontua eta urtebeteko epea zehaztu dituzte lan hori egiteko.  

Bigarren ekimena, aldiz, Forua kalean dagoen merkatu zaharra gizarte eta kultura zentro bihurtzean datza. “1976an udal azoka gisa eraiki zen, eta hainbat urte erabili gabe igaro ondoren, egokitzea aurreikusten da, zenbait erabilera izango dituen gune anitz gisa, azokak, erakusketak, jokoak edo kontzertuak, besteak beste”, azaldu du tokiko erakundeak, “horren ondorioz, une honetan aparkalekua den ingurunea urbanizatu egin ahal izango litzateke”. Kasu honetan, 894.770,58 euroko aurrekontua eta urtebeteko egikaritze-epea aurreikusi dituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa