Juanito Oiarzabal omenduko dute Txakolin Egunean ekainaren 2an

Erabiltzailearen aurpegia
Gaur aurkezpena egin dute eta Juanito Oiarzabalek berak parte hartu du./ Amurrioko Udala

Juanito Oiarzabal mendizaleak jasoko du aurtengo aintzatespena, Arabako txakolinaren eta produktuen alde erakutsi duen konpromisoarengatik.

Arabako Txakolina elkarteak Txakolin Egunaren hogeita batgarren edizioa ospatuko du datorren ekainaren 2an Amurrion. Dagoeneko finkatuta dagoen ekitaldiak, Arabako produktuak sustatzeko aukera eskainiko du beste behin. Juan Urrutia parkean, Arabako Txakolina Jatorrizko Izendapenaren barruan dauden zortzi upategik ekoiztutako txakolin onenak bilduko dira.

Aurten Txakolin Egunak Juanito Oiarzabal mendizalea omenduko du, ekainaren 2an, igandean, goizeko 11:30ean, Amurrioko Udalbatza Aretoan egingo den ekitaldian. Mundu osoan ezaguna den mendizale arabarra Arabako Txakolinaren eta Arabako produktuen defendatzaile sutsua da.

Aintzatespenaren ondoren jai gunea inauguratuko da, festa hasierako txupinazoa jaurtiz.
Euskolabel zigiluko pintxoen dastaketaren bitartez Txakolin Egunean egongo den gastronomia eskaintza zabalaz gain, Arabako Txakolinarekin egindako Aiarako seigarren garrafa lehiaketa izango da jardunaldiko beste puntu erakargarrietako bat.

Hori guztia osatzeko, tokiko artisautza produktuen erakusketa eta salmenta, Urduñako Santa Zezilia Bandaren kalejirak alaituta. 15:30ean erromeria hasiko da.

Iazko uzta
2018ko uztak “gainditu egin ditu genituen aurreikuspenak, joan den udaberriko euri indartsuek eta txingor-zaparradek galerak eragin baitzituzten finka batzuetan”, José Antonio Merino Arabako Txakolina Jatorrizko Izendapenaren gerenteak azaldu duenez.

Uzta 2017koa baino %40 handiagoa izan da. Hori dela eta, “gure kalkuluen arabera, azken urte honetan 500.000 unitate inguru botilaratu dira”, adierazi du Merinok.

2019ko uztari begira, aurreikuspenak itxaropentsuak dira. “Arazoak egon dira izozteekin, baina fase hori gainditu dugu jada. Orain euriteekin zer gertatuko zain gaude”, aurreratu du Merinok.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide