Amurrio Trail Taldeak 3. postua lortu zuen Leitzako Ultra Trailean

Saria jaso zuten amurrioarrek Leitzan. / Amurrio Trail taldea

Euskal Herriko Mendi Federazioak Leitzako Ultra Traila antolatu zuen larunbatean eta Amurrio Trail Taldea 3. sailkatu zen proban.

Leitzako udalerriak hartu zuen larunbatean Euskal Herria Mendi Erronka. Mendi Federazioak 67 kilometroko eta 3.700 metroko desnibela zuen ibilbidea prestatu zuen. Amurrio Trail Taldeko 16 korrikalarik hartu zuten parte, 14 gizonezkok eta 2 emakumezkok.
 
Lasterketa gogorra izan zen, 18 kilometro maldan gora izan zirelako; eta, gainera, eguraldiak ez zuelako lagundu, taldekideek adierazi dutenez. Izan ere, eguerditik aurrera haizea eta euria nagusitu ziren eta lokatza ugaritu zen.
 
Hala ere, amurrioarrek lortu zuten 3. postua taldekako sailkapenean. Iker Arana izan zen lehenengoa helmuga zeharkatzen, sailkapen orokorrean 23. izanik, 7:43:12 marka eginda. Gaizka Barañano 59. izan zen, Asier Fernandez 68. eta Axier Vivanco 156. Bestalde, Maria Menoyo 21. postuan sartu zen helmugara -emakumezkoen kategorian-.
 
Amurrio Trail Taldeko kideek Euskal Herriko Mendi Federazioa zoriondu dute ibilbide polita eskaintzeagatik eta dena primeran antolatzeagatik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide