aiaraldea.eus

Domina ugarirekin Aresketako gimnastak Euskadiko Txapelketatik

Erabiltzailearen aurpegia Elisabeth Anda   Kirola  Amurrio
Domina ugarirekin Aresketako gimnastak Euskadiko Txapelketatik

Asteburu honetan Gimnasia Erritmikoko Euskadiko Txapelketa jokatu da Durangon. Bertan Amurrioko Aresketa Kirol Elkarteko Amateurrak egon dira.

Larunbat goizean klubeko nagusienek, Seniorrek, 3. postua lortu zuten sekulako ariketa egin ondoren. Oihane Ussia, Ane Barrenengoa, Maider Gotxi, Amara de Frutos eta Nitai Romay poz-pozik igo ziren podiumera. Euren entrenatzailearen hitzetan, “izugarrizko denboraldia egin ondoren hau da merezitako saria. Oso harro nago egin duten lanarekin, gimnasta oso onak dira eta agur esateko modurik onena aukeratu dute: Euskadiko Txapelketatik domina ekartzea”.

Egun berean Irati Astarloa Artziniegarrak Jubenil B mailan parte hartu zuen pilotarekin 4. postua lortuz. Nabarmendu behar da txapelketa honetan dagoen maila, Bizkaiko, Gipuzkoako eta Arabako onenek baino ez dutelako txartela lortu.

Igandean Kadeteen txanda izan zen eta Amurrioko Aroa Elejaldek parte hartu zuen Itzal Taldearekin. Aresketako gimnasta bada ere, aurten Gasteizko klub honekin egiten du talde lehiaketa. Uztaiarekin eta mazoekin egin zituen bere banakako bi ariketak podiumeko 2. postura igoz. Sailkapen orokorrean Euskadiko Txapelduna geratu zen Kadete A mailan, txapelketa honetako mailarik altuenean.

Testua eta argazkiak: Elisabet Anda

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa